Новая дэвальвацыя?

10 тонаў банкнотаў нядаўна паступілі ў Менск на самалётах з Эўропы. Як паведамляе крыніца сайта Хартыя’97, дастаўкай грузу быццам бы займалася польская авіякампанія. Апроч таго, авіякампаніі ў Менску атрымалі запыт пра перавозку з Франкфурта новых партый грошай. Гаворка ідзе пра некалькі партый па 2 тоны кожная.

Прадстаўнік авіябізнэсу ўпэўнены, што тут няма гаворкі пра наяўную замежную валюту, якую банкі пастаўляюць з-за мяжы кожны дзень, пераважна з Цюрыха ды Вены.

Кіраўніцтва беларускага Нацбанку неаднойчы заяўляла пра неабходнасьць дэнамінацыі беларускай валюты. Але незалежныя эканамісты мяркуюць, што дэнамінацыю можна праводзіць толькі пры інфляцыі, ніжэйшай за 10%, а такая інфляцыя ў Беларусі пакуль што нерэальная. У такіх умовах магчымая хутчэй за ўсё новая дэвальвацыя.

Хартыя’97/нг