Тэрэса Стшэлец вярнулася ў Польшчу

Полька Тэрэса Стшэлец вярнулася ў Польшчу зь Беларусі. Учора беларускі бок паведаміў польскаму Міністэрству замежных спраў, што сёньня будзе адменена рашэньне аб забароне жанчыне выезду з тэрыторыі РБ.

Прэс-сакратар польскага МЗС Марцін Басацкі, сказаў, што віза Тэрэзы Стшэлец будзе афіцыйна адноўлена. Такім чынам, жанчына зможа перасячы беларуска-польскую мяжу.

Марцін Басацкі: Нас гэта вельмі цешыць. Спадзяемся, што гэта будзе станоўчае й канчатковае вырашэньне нашых амаль месячных намаганьняў па справе спадарыні Тэрэсы Стшэлец.

Улады Беларусі больш за месяц не хацелі выпусьціць польку з краіны, патрабуючы ад яе выплаты мыта ў буйным памеры за яе аўтамабіль, які, дарэчы, самі раней канфіскавалі й прадалі. У рамках пратэсту ў апошні панядзелак жанчына пачала галадоўку ў польскім консульстве ў Берасьці.

Сытуацыю полькі шырока камэнтаравалі як польскія, так і незалежныя беларускія СМІ.

аз