Расейцы хочуць канфіскаваць судна „Greenpeace”

Расейскія сьледчыя разглядаюць магчымасьць канфіскацыі судна арганізацыі „Greenpeace”. „Arctic Sunrise” было затрымана ў Баранцавым моры, недалёка ад буравой плятформы кампаніі „Газпром”. На яго борце знаходзіліся 30 чалавек, у тым ліку паляк Томаш Дземяньчук.

Ужо ўчора суд у Мурманску вырашыў аб арышце Дземяньчука і 21 актывіста экалягічнай арганізацыі тэрмінам на два месяцы. За кратамі яны будуць чакаць працэсу па абвінавачваньні ў пірацтве.

Апрача таго 8 іншых чальцоў экіпажа „Arctic Sunrise” правядзе ў турме 72 гадзіны.

Адвакат польскага актывіста мае намер абскардзіць рашэньне суда Мурманска.

Між тым, расейскія сьледчыя разглядаюць таксама магчымасьць канфіскацыі судна, якім эколягі прыплылі ў раён буравой плятформы. У гэтым выпадку пратэстуе дыпляматычная служба Нідэрляндаў, пад сьцягам якіх плавае затрыманая адзінка.

Нагадваем, актывісты з „Greenpeace” пратэстуюць супраць эксплюатацыі буравой плятформы „Приразломная”, сьцьвярджаючы, што любая ўцечка нафты прывядзе да забруджаньня Арктыкі.

аз