Складаная сытуацыя польскіх місіянэраў у ЦАП

Польскае Міністэрства замежных спраў запэўнівае, што на дадзены момант няма ніякай пагрозы для жыцьця польскіх місіянэраў у Цэнтральна-Афрыканскай Рэспубліцы.

Ведамства разам з ордэнам капуцынаў распрацоўвае плян эвакуацыі місіі. Яго дэталі павінны быць вядомыя заўтра.

„Мы хочам эвакуаваць сьвецкіх асобаў і манашак, якія працуюць у гэтым месцы”, - паведаміў прэс-сакратар міністэрства Марцін Вайцяхоўскі.

У сваю чаргу манахі плянуюць застацца са сваімі вернікамі. Яны таксама маюць сваю тактыку дзеяньняў.

„Мы ўжо не на месцы місіі. Мы хаваемся ў іншым месцы”, - сказаў па тэлефоне айцец Бэнэдыкт Пончка.

Манахі просяць дапамогі жаўнераў. Яны хочуць, каб мясцовыя вайскоўцы загарантавалі ім і вернікам ахову ад мясцовых баявікоў.

аз