Памёр Габрыэль Гарсія Маркес

У Мэксыцы ва ўзросьце 87 гадоў памёр Габрыэль Гарсія Маркес - знакаміты калюмбійскі пісьменьнік, журналіст, выдавец і палітычны дзеяч.

Некалькі дзён таму ляўрэат Нобэлеўскай прэміі ў галіне літаратуры 1982 году быў выпісаны са шпіталя ў горадзе Мэхіка, дзе ён лячыўся ад пнэўманіі й інфэкцыі мочапалавай сыстэмы.

Маркес зьяўляецца прадстаўніком літаратурнага кірунку „магічны рэалізм” і майстрам лацінаамэрыканскай і сусьветнай прозы XX стагодзьдзя.

Сярод найбольш вядомых твораў Маркеса – раманы „Сто гадоў адзіноты”, „Восень патрыярха” й „Палкоўніку ніхто ня піша”.

Разьвітаньне зь пісьменьнікам пройдзе 21 красавіка ў Палацы прыгожых мастацтваў у сталіцы Мэксыкі.

аз