«Дарога да сьвятыняў»

3 верасьня зь менскага Сьвята-Духава катэдральнага сабору з блаславеньня Мітрапаліта Менскага і Слуцкага Паўла, Патрыяршага Экзарха ўсяе Беларусі з Жыватворным Агнём ад Труны Гасподняй адправіцца 21-я міжнародная навукова-асьветніцкая экспэдыцыя "Дарога да сьвятыняў".

У яе складзе — духоўныя асобы, дзяржаўныя дзеячы, працаўнікі культуры, пісьменьнікі, артысты. Маршрут пройдзе па храмах Баранавіцкага, Наваградзкага, Лідзкага, Валожынскага, Маладзечанскага ды Менскага раёнаў.

Па словах кіраўніка экспэдыцыі паэткі Ніны Загорскай, у месцах наведваньня будуць пасаджаныя Сады Малітвы: у кожным па 21 дрэве. Таксама ў плянах — навукова-духоўна-асьветніцкія, мэтадычныя, літаратурныя, і музычныя сустрэчы. Жыватворным Агнём будуць асьвечаныя помнікі славы і мужнасьці народу, на месцы пахаваньня загінулых воінаў і партызанаў адслужаць памінальныя багаслужэньні.

Пасьля ўрачыстасьцяў у Заслаўі, 7 верасьня, удзельнікі экспэдыцыі вернуцца ў Менск, пад Сьвята-Духавы сабор.


minsknews.by/эб