Трагедыя ў Гімалаях

Да 12 вырасла колькасьць чалавек, якія загінулі ў Гімалаях. Сярод іх ёсьць двое польскіх турыстаў. Пра гэта агенцтву AFP паведаміла нэпальская паліцыя.

Група турыстаў трапіла ў мяцеліцу. Верагодна, на іх таксама абрынулася лявіна.

У рэгіёне Гімалаяў, дзе дайшло да рэзкага пагаршэньня ўмоваў надвор'я, знаходзіліся 168 чалавек.

13 асобаў удалося выратаваць. Лёс 150 апошніх невядомы ў сувязі са складанымі ўмовамі надвор'я. Сярод тых, хто выжыў - палякі й ізраільцяне.

Учора ў Гімалаях, у выніку іншай лявіны, загінула двое нэпальцаў, адзін прапаў бязь вестак.

аз