Грэнляндыя хоча быць незалежнай

foto: wikipedia

Грэнляндыя – аўтаномная тэрыторыя Даніі – адкрывае першае дыпляматычнае прадстаўніцтва за мяжой. Паводле рашэньня ўладаў у Нуук – сталіцы вострава, - Бюро прадстаўніка Грэнляндзкай Аўтаноміі будзе адкрыта ў Вашынгтоне.
Адкрыцьцё бюро зьяўляецца першым крокам да незалежнасьці вострава, заўважае частка камэнтатараў. Афіцыйна Грэнляндыя ўваходзіць у склад Каралеўства Данія ў якасьці заморскай тэрыторыі зь вельмі шырокай аўтаноміяй. Пытаньні грашовай і замежнай палітыкі, а таксама абароны застаюцца ў кампэтэнцыі Капэнгагена. Аднак актуальны левы ўрад Грэнляндыі стараецца пашырыць свае кампэтэнцыі. Адкрыцьцё прадстаўніцтва ў Вашынгтоне, а гэта якраз зьяўляецца пытаньнем замежнай палітыкі, якім дэ-факта павінен займацца Капэнгаген, улады ў Нуук абгрунтоўваюць неабходнасьцю пашырэньня эканамічных адносін з ЗША й Канадай.
Грэнляндыя – найбольшая на Зямлі выспа. Спэцыялісты лічаць, што на востраве й яго шэльфе знаходзяцца вялікія й пакуль не адкрытыя месцанараджэньні многіх карысных выкапняў, пачынаючы ад золата й заканчваючы ўранам.

вс