Польскае МЗС занепакоенае абстрэлам Марыупаля

Паводле ўкраінскага МУС, раніцай падчас абстрэлу Марыупаля загінулі як мінімум 10 грамадзянскіх асоб, каля 50 параненых былі дастаўлены ў бальніцы. Сярод іх 13-гадовая дзяўчынка.

Яшчэ ўчора лідар самаабвешчанай Данецкай Народнай Рэспублікі Аляксандар Захарчанка абяцаў узяць горад пад кантроль.

Баевікі адкрылі агонь з ракетных пускавых установак „Град” па адным з жылых раёнаў горада. Пашкоджаныя былі будынкі й аўтамабілі.

Жыхары Марыупаля стараюцца пакінуць тэрыторыю, якая апынулася пад абстрэлам.

Паводле вайсковых экспэртаў, у ваколіцы Марыупаля дыслякуюцца ад 800 да 1000 прарасейскіх сэпаратыстаў, у якіх цяжкая баявая тэхніка, уключаючы танкі.

Марыупаль – гэта важны ўкраінскі порт, распаложаны на Азоўскім моры. У ім пражывае амаль паўмільёна жыхароў.

Глыбокую занепакоенасьць абстрэлам Марыупаля выказала Міністэрства замежных спраў Польшчы.

аз