Польшча: новае апэратыўнае падразьдзяленьне НАТА

Tomasz Siemoniak. Photo: Polish Radio

Міністар абароны Польшчы Томаш Сямоняк у пятніцу, 13 сакавіка, абвясьціў аб тым, што ў горадзе Быдгашч (паўночная частка краіны) будзе створана апэратыўнае падразьдзяленьне НАТА - Force Integration Units (NFIU). Падразьдзяленьне павінна пачаць працу да сярэдзіны красавіка бягучага года, каб быць у поўнай гатоўнасьці да пачатку вучэньняў сіл хуткага рэагаваньня Паўночнаатлянтычнага пакту, якія пройдуць у Польшчы ў чэрвені.

Паводле Сямоняка, новае падразьдзяленьне альянсу будзе адказваць за многія дзеяньні, зьвязаныя з умацаваннем сіл НАТА на ўсходзе Эўропы.
Мэта падраздзяленьняў NFIU, якія зьявяцца ня толькі ў Польшчы, але і ў Балгарыі, Эстоніі, Румыніі, Летуве ды Латвіі, гэта каардынацыя магчымага перамяшчэньня войскаў альянсу па эўрапейскім кантынэнце. Гэта перш за ўсё сувязныя й каардынацыйныя часткі, у склад якіх увойдуць грамадзянскія працаўнікі й вайскоўцы як з краіны, на тэрыторыі якой знаходзіцца падразьдзяленьне, так і зь іншых краін-чальцоў пакту.

вс