Чэхія будзе прадстаўляць Польшчу на саміце ЭЗ

Прэзыдэнт Анджэй Дуда не памяняе даты першага паседжаньня новага Сэйму.

Паводле СМІ, з гэткай просьбай да кіраўніка дзяржавы зьвярнуўся старэйшы сьпікер Корнэль Маравецкі ў сувязі з праблемай адносна прысутнасьці польскай дэлегацыі на саміце ЭЗ на Мальце.

Прэзыдэнт адзначыў, што хоць просьбы па гэтай справе афіцыйна яшчэ не атрымаў, то яна й так не памяняе яго рашэньня па гэтай справе.

Анджэй Дуда: Гэта, перш за ўсё, пытаньне ўнутраных праблемаў партыі „Грамадзянская плятформа”, а не справа абмежаваных канстытуцыйных магчымасьцяў.

Нагадваем, тэрмін нефармальнага саміту ЭЗ па міграцыйным крызысе, які адбудзецца на Мальце, супадае з тэрмінам першага паседжаньня новага Сэйма.

На гэтым паседжаньні прэм'ер Эва Копач павінна афіцыйна сысьці ў адстаўку.

У сувязі з гэтым саступаючая кіраўнічка польскага ўраду папрасіла ўрад Чэхіі, каб гэта ён прадстаўляў Польшчу на эўразьвязаўскім саміце на Мальце.

Гэтую інфармацыю пацьвердзіла Канцылярыя прэм'ер-міністра Багуслава Саботкі.

аз