Актывісты ў Зэльве заклікаюць зьмяніць назву вуліцы

Сябры згуртаваньня дэмакратычных сілаў Слоніма і Зэльвы падтрымалі ініцыятыву Партыі БНФ, якая пачала збор подпісаў за рэабілітацыю Ларысы Геніюш і ўключэньне яе твораў у школьную праграму, а таксама за тое, каб у Зэльве пераназваць вуліцу Савецкую ў вуліцу імя Ларысы Геніюш.

Подпісы за рэабілітацыю Ларысы Геніюш пачалі зьбіраць на мінулым тыдні, сумясьціўшы гэтую справу з выбарчай кампаніяй.

Паводле грамадзкіх актывістаў, пераважная большасьць зэльвенцаў і слонімцаў станоўча ставяцца і да таго, каб даць вуліцы Савецкай імя Ларысы Геніюш, а таксама ўключыць яе творы ў школьную праграму.

Беларуская літаратарка і грамадзкая дзяячка Ларыса Геніюш пахаваная ў Зэльве. Там яна жыла пасьля вызваленьня з савецкага лягеру.

Паводле Радыё “Свабода”/юл