Польшча правядзе першы Кангрэс інаватараў

Польшча правядзе Кангрэс інаватараў, паведаміла прэм'ер-міністар Бэата Шыдла. Мерапрыемства пройдзе на заканчэньне польскага старшынства ў Вышаградзкай групе.

Кіраўнічка польскага ўраду ўдакладніла, што кангрэс адбудзецца хутчэй за ўсё ў чэрвені наступнага году.

Бэата Шыдла: Мы арганізуем першы кангрэс інавацый і інаватараў. Першае мерапрыемства будзе арганізаванае ў Польшчы. На яго будуць запрошаныя прадстаўнікі з розных куткоў сьвету, хоць асаблівая ўвага будзе зьвернутая на наш рэгіён.

Кіраўнічка польскага ўраду прыняла ўдзел у дзьвюх дэбатах на тэму маладых польскіх кампаніяў. Адныя дэбаты арганізаваў Польскі фонд разьвіцьця, а другія прайшлі на стэндзе кампаніі „Google” ў Крыніцы.

Бэата Шыдла запэўніла, што ўрад будзе спрыяць працы сучасных прадпрыемстваў.

аз