Палякі паказваюць сваю зброю на выставе ў Кіеве

Кіраўнік Бюро нацыянальнай бясьпекі Польшчы Павал Солях (Paweł Soloch) прыняў удзел у адкрыцьці выставы ўзбраеньня „Зброя й бясьпека 2016” у Кіеве. Сярод больш чым ста ўдзельнікаў мерапрыемства сваю ваенную тэхніку паказваюць таксама палякі.

Стэнды ўкраінскіх і польскіх прадпрыемстваў абароннага комплексу Павал Солях наведаў разам з кіраўніком Рады нацыянальнай бясьпекі й абароны Ўкраіны Аляксандрам Турчынавым.

Польскі палітык лічыць, што магчымасьці супрацоўніцтва паміж Польшчай і Ўкраінай у ваеннай галіне вельмі шырокія.

З польскіх прадпрыемстваў на выставе сваю прадукцыю паказвае, між іншым, кампанія WB Group, якая выпускае перадавыя ваенныя электронныя сыстэмы. Кампанія ўжо супрацоўнічае з украінскім бокам у будаўніцтве бесьпілётных лятальных апаратаў.

На выставе, акрамя Польшчы і Ўкраіны, сваю ваенную тэхніку й зброю прадстаўляюць 22 краіны з усяго сьвету. Мерапрыемства будзе працягвацца да пятніцы.

аз