Масул: баевікі ІД забілі каля 300 мужчынаў і хлопчыкаў

Баевікі гэтак званай Ісламскай дзяржавы забілі 284 мужчын і хлопчыкаў у горадзе Масул на поўначы Ірака, паведаміла амэрыканскае тэлебачаньне CNN са спасылкай на крыніцу інфармацыі ў ірацкай выведцы.

Паводле гэтай крыніцы, забойства адбылося ў чацьвер і пятніцу. Мужчыны й хлопчыкі спачатку былі выкарыстаныя ў якасьці „жывога шчыта” супраць наступаючых на Масул ірацкіх урадавых войскаў, а затым расстраляныя. Джыхадысты спіхнулі іх целы ў брацкую магілу бульдозэрам.

Некалькі дзён таму Арганізацыя Аб'яднаных Нацый паведамляла пра тое, што баевікі Ісламскай дзяржавы выгналі каля 550 сем'яў зь іх дамоў у Масуле й навакольлі ды плянуюць выкарыстаць гэтых людзей у якасьці „жывога шчыта”.

Нагадаем, з панядзелку працягваецца наступленьне ірацкіх урадавых сілаў на Масул - апошні пляцдарм джыхадыстаў у Іраку.

аз