Барак Абама запрасіў Дональда Трампа ў Белы дом

Прэзыдэнт ЗША Барак Абама прыме сёньня ў Белым доме, новаабранага прэзыдэнта Дональда Трампа. Такім чынам пачнецца працэс перадачы ўлады ў Злучаных Штатах Амэрыкі.

Нагадаем, падчас выбарчай кампаніі Барак Абама пераконваў, што Дональд Трамп ня справіцца на прэзыдэнцкай пасадзе. Пасьля абвяшчэньня вынікаў галасаваньня Абама патэлефанаваў мільярдэру, павіншаваў яго з перамогай і запэўніў, што зробіць усё магчымае, каб перадача ўлады прайшла гладка.

У той жа час, Дональд Трамп пачаў працэс фарміраваньня сваёй адміністрацыі. У якасьці кандыдата на пасаду Генэральнага пракурора ён назваў былога мэра Нью-Ёрку Рудольфа Джуліяні. Кіраўніком амэрыканскай дыпляматыі можа стаць былы лідар рэспубліканцаў у Кангрэсе, Ньют Гінгрыч. У сваю чаргу кандыдатам на пасаду кіраўніка Пэнтагона або дарадцы па пытаньнях нацыянальнай бясьпекі зьяўляецца былы генэрал Майк Флін, які ўзначальваў Агенцтва ваеннай выведкі (Defense Intelligence Agency).

аз