На мяжы зь Летувой на выезд стаяць амаль 700 фураў

На мяжы зь Летувой працягваюць стаяць вялізныя чэргі грузавых аўтамабіляў на выезд зь Беларусі. Як паведамляе сайт Дзяржаўнага памежнага камітэта, паводле стану на 8-ю гадзіну раніцы ў панядзелак, 28 лістапада, у чарзе было крыху менш за 700 аўтамабіляў.

У Катлоўцы ў чарзе стаялі 130 фураў, у Беняконях — 131, у Прывалцы — 110. Найбольшая чарга ўтварылася ў пункце пропуску "Каменны Лог": тут у чарзе стаялі 310 аўтамабіляў.

Увечары ў нядзелю ў чарзе было амаль 750 машынаў.

эўрарадыё/вс

здымак мае ілюстрацыйны характар