Greenpeace Polska пратэстуе супраць плянаў па адстрэлу зуброў

Фонд Greenpeace зьбірае подпісы пад зваротам да прэм'ер-міністра з патрабаваньнем адмовіцца ад плянаў па адстрэлу зуброў. Цягам сутак інтэрнэт-пэтыцыю падпісала 20 тысяч чалавек.

Прадстаўнікі экалягічнай арганізацыі выступаюць супраць паляваньня на зуброў у Барэцкай пушчы (Puszcza Borecka) у паўночна-ўсходняй Польшчы, дзе быў выдадзены дазвол на адстрэл 10 зуброў.

Кшыштаф Цібур (Krzysztof Cibór) з Greenpeace Polska кажа, што зубр не павінен быць „аб’ектам камэрцыйнага паляваньня й паляўнічым трафэем, бо гэта вядзе да злоўжываньняў”.

Прадпрыемства „Дзяржаўныя лясы” тлумачыць, што камэрцыйныя паляваньні павінны кампэнсаваць кошт адстрэлу, які мае на мэце паляпшэньне якасьці папуляцыі.

„Гэта адбываецца пад наглядам і кантролем дасьведчаных лясных супрацоўнікаў”, - чытаем на старонцы прадпрыемства „Дзяржаўныя лясы”.

Узімку 2016 году было выяўлена, што некаторыя зубры з Барэцкай пушчы хварэюць на сухоты.

аз