У Польшчы злавілі вялізнага сома (ФОТА)

Паляк Уладзіслаў Бомбік злавіў у Рыбніцкім возеры (Верхняя Сілезія ў паўднёва-заходняй Польшчы) гіганцкага сома і ўстанавіў новы рэкорд краіны. Даўжыня сома – 295 см, а вага – 105,5 кг. У якасьці прынады рыбак выкарыстаў 25-сантымэтровае філе ляшча.

Папярэдне гіганцкі сом быў злоўлены ў 2012 годзе таксама ў Рыбніцкім возеры: яго даўжыня складала 254 см, а вага – 105 кг.

Сом быў злоўлены на вуду. Уладзіслаў Бомбік пры дапамозе яшчэ аднаго рыбака выцягвалі рыбу з вады 30 хвілін.

Рыба ў Рыбніцкім возеры мае добрыя ўмовы для існаваньня, таму што возера зьяўляецца штучным вадасховішчам, створаным для патрэбаў адной з буйнейшых у Польшчы цеплаэлектрастанцый «Рыбнік». Прадпрыемства часта скідвае ў вадасховішча цёплую ваду, што стварае лепшыя ўмовы для пражываньня рыбы.

У Рыбніцкім возеры ня раз устанаўліваліся рэкорды па памеры вылаўленай рыбы. Так, у 2007 годзе ў вадасховішчы быў злоўлены карп вагою больш за 30 кг.

вс

фота: Świat Suma

фота: Wiadomości Wędkarskie