Гішпанія выдала ордэр на арышт былога прэм’ера Каталёніі

Вышэйшы суд Гішпаніі выдаў Эўрапейскі ордэр на арышт былога прэм’ера распушчанага ўраду Каталёніі Карлэса Пудждэмона й чатырох міністраў ягонага кабінэту.

Гэта рэакцыя на тое, што былы кіраўнік каталёнскага ўраду й міністры не зьявіліся ў Мадрыдзе на допытах па справе аб’яўленьня незалежнасьці рэгіёну.

Урад Каталёніі быў распушчаны цэнтральным урадам у Мадрыдзе.

Гішпанскія пракуроры абвінавачваюць Карлеса Пудждэмона ў бунце, падбухторваньні грамадзян і растраце дзяржаўных сродкаў.

Да гэтай пары былі арыштаваныя восем міністраў распушчанага ўраду Каталёніі. Хутчэй за ўсё іх чакаюць працэсы.

Карлес Пудждэмон і чатыры міністры яго кабінэту цяпер знаходзяцца ў Брусэлі.

аз