Прэзыдэнты Польшчы і ЗША сустрэліся ў Давосе

Прэзыдэнт ЗША Дональд Трамп

Прэзыдэнт Анджэй Дуда сустрэўся ў Давосе з прэзыдэнтам Злучаных Штатаў Амэрыкі Дональдам Трампам. Кароткая гутарка адбылася ў кулюарах Сусьветнага эканамічнага форуму ў Давосе. Паведаміў аб гэтым кіраўнік Кабінэту Прэзыдэнта РП Кшыштаф Шчэрскі.

Размова прэзыдэнтаў тычылася польска-амэрыканскага эканамічнага супрацоўніцтва. «У прыватнасьці гутарка ішла пра энэргетыку, (..) пра новыя пастаўкі звадкаванага газу з Амэрыкі ў Польшчу» – сказаў Кшыштаф Шчэрскі. Прэзыдэнты закранулі таксама пытаньне інвэстыцый амэрыканскіх кампаній у Польшчы.

Пятніца гэта апошні дзень Сусьветнага эканамічнага форуму ў Давосе. Палітыкі выяжджаюць сёньня са Швэйцарыі.

яс