У Флорыдзе адбыўся напад на ўдзельнікаў чэмпіянату па відэагульнях

Трагедыя адбылася ў нядзелю 26 жніўня падчас турніру па відэагульнях у Джэксанвіле, штат Флорыда. Зламысьнік пачаў весьці агонь па ўдзельнікам мерапрыемства, пасьля чаго зьдзейсьніў самагубства. Паводле паведамленьняў шэрыфа Джэксанвіля Майка Ўільемса, у выніку страляніны былі забітыя 2 чалавека, 11 атрымалі раненьні.

Апроч таго Ўільямс удакладніў, што нападніку было 24 гады, а звалі яго Дэвід Кац. Кац зьяўляўся ўдзельнікам чэмпіянату, імаверна, што пасьля паганага выступу каманды Каца, разьюшаны юнак пачаў страляць па прысутных. Шэрыф Уільямс дадаў, што нападнік параніў 9 чалавек, яшчэ 2 асобы атрымалі раненьні ўцякаючы ад страляніны; адзін з пацярпелых знаходзіцца ў цяжкім стане.

Гэта быў трэці выпадак страляніны ў грамадзкім месцы ў Флорыдзе на працягу апошніх двух гадоў. Сёлета ў лютым падчас нападу ў школе ў Парклэндзе загінулі 17 чалавек. Пасьля чарговага тэракта у ЗША абвастралася агульнанацыянальная дыскусія аб магчымасьці абмежаваньня вольнага гандлю зброяй.

эж