Армія ЗША правяла выпрабаваньні новай сыстэмы супрацьракетнай абароны

Амэрыканскія вайскоўцы пасьпяхова пратэставалі ў пятніцу апошні тып проціракетнай абароны, паведамляе агенцтва Reuters.

Новы від узбраеньняў павялічыць абароназдольнасьць ЗША ў адхіленьні ўдараў ракет сярэдняй далёкасьці, над распрацоўкай якіх актыўна працуе Іран і Паўночная Карэя.

Асаблівасьцю новай проціракетнай сыстэмы зьяўляецца выкарыстаньне снарадаў, якія здольныя перахопліваць усе віды ракет, у тым ліку і балістычныя. Пасьля пасьпяховага выпрабаваньня, распачнецца сэрыйная вытворчасьць новай проціракетнай сыстэмы.

Дырэктар Агенцтва супрацьракетнай абароны ЗША Сэм Грыўз адзначыў, што праверка прайшла пасьпяхова і стала «вялікім дасягненьнем і важным пераломам» у разьвіцьці гэтага віду зброі ў Злучаных Штатах. Верагодна, што дадзеная сыстэма ў будучыні будзе ўсталявана ў Польшчы.

Выпрабаваньня новай зброі адбыліся ў Ціхім Акіяне каля Гавайскіх выспаў.

эж