Расея і ЗША зьяўляюцца самай вялікай пагрозай бясьпекі Эўропы

Згаданая арганізацыя правяла комплекснае дасьледаваньне грамадзкай думкі ў сямі эўрапейскіх краінах. Вынікі былі прадстаўлены на пастаяннай штогадовай Мюнхэнскай канфэрэнцыі па бясьпецы.

Пераважная большасьць рэспандэнтаў ва ўсіх сямі краінах лічаць, што сытуацыя ў галіне бясьпекі ў Эўропе значна пагоршылася, і асьцерагаюцца новай вайны. Пры гэтым, у розных краінах бачаць розныя прычыны паўсталай сытуацыі.

Так у Польшчы 77%, ва Ўкраіне 67% рэспандэнтаў лічаць, што асноўнай крыніцай пагрозы ёсьць Расея. Палова немцаў сьцьвярджаюць, што небясьпека сыходзіць, у першую чаргу, ад Злучаных Штатаў. Таксама лічыць кожны чацьвёрты француз.

Аўтары дасьледаваньня падкрэсьліваюць, што вынікі паказваюць, што палітыкі ў Эўропе павінны пакласьці значна больш намаганьняў дзеля павышэньні бясьпекі.

Рэспандэнты занепакоеныя, у першую чаргу, магчымасьцю выбуху новых узброеных канфліктаў, пашырэньня тэрарызму ды зьмены клімату. Страх вайны найбольш назіраецца ва Украіне, у Польшчы ды Расеі.

ПР/юл