Іран адказны за напады на нафтавыя танкеры

Амэрыканскі бок прыйшоў да такіх высноў, грунтуючыся на паведамленьні выведкі ды тыпу выкарыстанай зброі, і таго, што ніводная група, што дзейнічае ў дадзеным рэгіёне, ня мае дастатковых сродкаў для арганізацыі такой атакі.

Напады на цывільныя караблі зьяўляюцца часткай палітыкі Тэгерану, накіраванай на «абвастрэньне напружанасьці», – заявіў журналістам падчас прэсавай канфэрэнцыі ў Вашынгтоне Майк Пампэа.

Кіраўнік амэрыканскай дыпляматыі таксама прызнаў, што Іран спрабуе парушыць перавозку нафты праз Армузскі праліў. Як адзначае Reuters, Помпэа не прадставіў ніякіх доказаў, якія пацьвярджаюць ягоныя высновы.

Неўзабаве пасьля ягоных слоў прэзыдэнт ЗША Дональд Трамп напісаў у Твітэры, што, на яго думку, ані ЗША, ані Іран не гатовыя да пагадненьня.

Іранскія ўлады, як і іншыя краіны рэгіёну, не прызналіся да правядзеньня нападаў. У чацьвер міністар замежных спраў Ірана Махамад Джавад Зарыф заявіў, што інцыдэнт «вельмі падазроны» і заклікаў краіны рэгіёну да перамоваў, каб пазьбегнуць далейшай напружанасьці.

Інцыдэнт у чацьвер – другі цягам апошняга месяца ў гэтай стратэгічнай акваторыі.

ПР/юл