Чырвоную кнігу дапоўняць

Міністэрства прыродных рэсурсаў і аховы навакольнага асяродзьдзя рыхтуе новае выданьне Чырвонай кнігі.Навукоўцы рыхтуюць прапановы для абнаўленьня сьпісаў расьлін і жывёл, якія павінны ўвайсьці ў выданьне.

З Чырвонай кнігі могуць выключыць белую чаплю, якая "наносіць вялікі ўрон рыбнай гаспадарцы". У выпадку далейшага зьніжэньня колькасьці ў Чырвоную кнігу могуць быць уключаны зайцы й цецерукі.

Сёньня ў Чырвоную кнігу Беларусі ўключаны 188 відаў дзікіх жывёл і 293 віды дзікарослых расьлін. У Беларусі налічваецца 1 тыс. 302 асабліва ахоўныя прыродныя тэрыторыі, якія займаюць 7,7% плошчы краіны.

кр/БелаПАН