Мінюст зарэгістраваў адвакацкія бюро

Міністэрства юстыцыі Беларусі зарэгістравала першыя адвакацкія бюро ў краіне - адно ў Менску й два ў Берасьці, а таксама 12 адвакатаў, якія ажыцьцяўляюць адвакацкую дзейнасьць індывідуальна.

Як паведамляецца на афіцыйным сайце міністэрства, новыя формы адвакацкай дзейнасьці - адвакацкія бюро й індывідуальная адвакацкая дзейнасьць - замацаваны законам „Аб адвакатуры й адвакацкай дзейнасьці”.

Функцыя па ажыцьцяўленьні дзяржаўнай рэгістрацыі адвакацкіх бюро і ўнясеньні адпаведных зьвестак у Адзіны дзяржаўны рэгістр юрыдычных асоб і індывідуальных прадпрымальнікаў ускладзена на Мінюст.

Разгляд заяў аб дзяржаўнай рэгістрацыі адвакацкіх бюро з вынясеньнем адпаведнага рашэньня ажыцьцяўляецца Мінюстам у дзень падачы дакумэнтаў.

БелаПАН/аз