На Лідчыне ўшанавалі загінулых паўстанцаў 1863 году

Ва ўрочышчы Крыжы, што каля Ліды, грамадзкія актывісты й жыхары навакольных вёсак ушанавалі памяць загінулых паўстанцаў 1863 году. У бітве, якая адбылася ў раёне вёсак Малое Ольжава й Мохавічы, расейскімі войскамі быў разьбіты адступаючы атрад паўстанцаў. Усе загінулыя былі пахаваныя на месцы бітвы. Зусім нядаўна зь небыцьця ўдалося вярнуць некалькі імёнаў магчымых удзельнікаў тагачасных падзеяў. На думку краязнаўца Станіслава Судніка – гэта Кастусь Кашыц і Севярын Якубоўскі.

Урачыстасьці на месцы пахаваньня паўстанцаў і сьвятая імша па загінулых, якую адслужыў мясцовы ксёндз, адбыюцца ўжо 18 гадоў запар. Звычайна памятная дата трапляе на канец ліпеня, і прымеркавана яна да сьвяткавання Дня Незалежнасьці.

кр/racyja.eu