Сяргея Калякіна выкрасьлілі са сьпісу невыязных

Фота: nv-online.info

Лідар партыі „Справядлівы сьвет" Сяргей Калякін быў выкрасьлены са сьпісу невыязных. Ён быў апошнім апазыцыянэрам у гэтым сьпісе.

Як паведаміў палітык, ён атрымаў ад Дэпартамэнта па міграцыі МУС адказ, у якім гаворыцца, што ён нарэшце можа выязджаць з краіны. Як і ў выпадку зь іншымі невыязнымі МУС патлумачыў забарону на выезд нейкім таямнічым збоем у сыстэме.

Нагадаем, што ў сьпіс невыязных трапілі прынамсі каля дзясятка апазыцыйных палітыкаў, журналістаў, праваабаронцаў. Юрыст Гары Паганяйла судзіцца зь дзяржавай, каб атрымаць кампэнсацыю за нанесеную яму шкоду.

ucpb.org /euroradio.fm/аз