Хто прадставіць Беларусь у Вільні?

Двухдзённая сустрэча ў вярхох пачнецца ў летувіскай сталіцы праз 10 дзён. Між тым, як паведаміў Польскаму радыё прэс-сакратар МЗС Беларусі Андрэй Савіных, рашэньне аб тым, хто паедзе на саміт, яшчэ не прынятае.

- Гэтае пытаньне ўсё яшчэ разглядаецца. Як толькі будзе прынятае рашэньне, мы аб ім паведамім, - сказаў Савіных. Раней дыплямат інфармаваў, што вырашэньне пытаньня аб удзеле Беларусі ў саміце "Ўсходняга партнэрства" ўваходзіць у кампэтэнцыі А. Лукашэнкі.

На думку беларускіх незалежных экспэртаў, Менск у сталіцы Летувы можа прадстаўляць міністар замежных спраў Уладзімер Макей.

Запрашэньне прыняць удзел у саміце Беларусь атрымала больш чым месяц таму.

IAR/эб