Домрачава - найлепшы спартовец гульняў у Сочы

Міжнародная арганізацыя спартыўных журналістаў (AIPS) назвала найлепшых спартоўцаў Алімпіяды ў Сочы.

Самым пасьпяховым спартоўцам прызналі беларускую біятляністку Дар'ю Домрачаву, якая заваявала тры залатыя мэдалі на Алімпіядзе ў Сочы (45% галасоў).

Другой стала славэнская гарналыжніца Ціна Мазэ (два залатыя мэдалі, 21% галасоў), трэцяй — нарвэская лыжніца Марыт Б'ёрген (тры залатыя, 7% галасоў).

Сярод мужчын найлепшым быў прызнаны нарвэскі біятляніст Оле-Эйнар Б'ёрндален (два залатыя мэдалі, 28% галасоў). Другое месца заняў расейскі шорт-трэкіст Віктар Ан (тры залатыя й адзін бронзавы, 27% галасоў), трэцім стаў француз Мартэн Фуркад (два залатыя й адзін срэбраны, 12% галасоў).

Найлепшай камандай прызналі мужчынскую зборную Галяндыі па канькабежным спорце (золата ў каманднай гонцы).

Прессбол/euroradio.fm/аз