Актывісты апазыцыі выклікаюць Шаўцова на дэбаты

Актывісты кампаніі "Народны рэфэрэндум" заклікалі дэпутата Палаты прадстаўнікоў Дзьмітрыя Шаўцова правесьці публічныя дэбаты на тэму платнай мэдыцыны. Шаўцоў вядомы як пасьлядоўны прыхільнік увядзеньня аплаты за мэдычныя паслугі. Адно з пытаньняў, выпрацаваных падчас кампаніі “Народны рэфэрэндум”, датычыць бясплатнай адукацыі і аховы здароўя. Шаўцоў зьяўляецца апанэнтам такога пункту гледжаньня, – напісалі ў адкрытым лісьце віцэ-кіраўнік Руху “За Свабоду” Юры Губарэвіч, намесьнік кіраўніка кампаніі “Гавары праўду” Андрэй Дзьмітрыеў ды віцэ-старшыня Партыі БНФ Ігар Лялькоў.

Аўтары ліста пакідаюць права выбару фармата і пляцоўкі для дэбатаў за Шаўцовым. Гэта магла бы быць дыскусія ў рамках грамадзкіх слуханьняў па праблемах мэдычнага абслугоўваньня, якія кампанія “Народны рэфэрэндум” ладзіць у розных гарадах Беларусі, або іншая нагода і месца.

Рух “За Свабоду”/нг