9 лістапада пройдуць шэсьце й мітынг у Лошыцы

У нядзелю, 9 лістапада, у Менску пройдзе шэсьце, якое пачнецца а 12-й гадзіне каля будынку Палаца культуры „Лошыцкі” (вуліца Маякоўскага, 129). Пазней у Лошыцкім Яры на месцы масавых расстрэлаў, дзе ўсталяваны вялікі Крыж у памяць беларускіх пакутнікаў, адбудзецца мітынг.

На правядзеньне мерапрыемства ёсьць дазвол уладаў. Верагодна арганізатарамі мерапрыемства зьяўляюцца сябры Кансэрватыўна-хрысьціянскай партыі БНФ, якія традыцыйна праводзяць гэтую акцыю.

Адзначым, што Лошыцкі Яр - адно са шматлікіх месцаў у Менску й навакольлі, дзе ў сталінскія часы савецкія карныя органы расстралялі дзясяткі (па іншых зьвестках - сотні) тысяч людзей.

euroradio.fm/аз