Самалёт зь беларускімі журналістамі ня змог сесьці ў Менску

foto: wikipedia

Самалёт "Аўстрыйскіх авіяліній", які сьледаваў рэйсам Вена—Менск, вылецеў з аэрапорта зранку 24 траўня. На яго борце, як паведамляецца, былі беларускія журналісты, якія вярталіся дадому зь песеннага конкурсу "Эўрабачаньне-2015".

У небе над беларускім райцэнтрам Бяроза на Берасьцейшчыне самалёт нечакана разьвярнуўся, паляцеў назад і прызямліўся ў Вене. Прадстаўнікі авіякампаніі паведамілі, што ў самалёта ўзьніклі праблемы з працай закрылкаў. Верагодна, праблему хутка ліквідавалі, бо празь некалькі гадзін гэты ж самалёт паляцеў зь Вены ў аўстрыйскі Інсбрук.

Частку пасажыраў зь Вены паабяцалі адправіць у Менск у той жа дзень. Іншыя змогуць трапіць дадому толькі сёньня.

комсомольская правда/эўрарадыё/вс