Працэсія Божага Цела пройдзе ў Менску 31 траўня

catholic.by

Працэсія Божага Цела ў Менску сёлета адбудзецца 31 траўня. Па традыцыі яна пачнецца а 9.00 гадзіне імшой каля касьцёла Найсьвяцейшай Тройцы (сьвятога Роха) на Залатой Горцы.

У час працэсіі ў касьцёлах, капліцах і іншых месцах малітвы Менска сьвятыя Імшы цэлебравацца ня будуць.

Працэсія Божага Цела - эўхарыстычная працэсія з нагоды ўрачыстасьці Найсьвяцейшага Цела й Крыві Пана. Яна праходзіць звычайна навокал касьцёла ці па вуліцах горада й затрымліваецца каля чатырох алтароў, дзе чытаюцца ўрыўкі з Эвангельля й прамаўляюцца гаміліі.

У гэтым годзе ўрачыстасьць Найсьвяцейшага Цела й Крыві Пана адзначаецца 4 чэрвеня.

catholic.by/аз