Беларускі экспарт б’е антырэкорды

Бюджэт краіны згубіў 9 мільярдаў даляраў.

Беларускі статыстычны камітэт паведамляе, што ў апошнія месяцы мінулага году беларускі экспарт працягваў скарачацца. Так, у лістападзе Беларусь прадала тавараў ды паслуг на 4,3% менш, чым у кастрычніку. За 11 месяцаў 2015-га году экспарт упаў на 26,8% у параўнаньні з 2014-м годам да 24,147 мільярдаў даляраў. Гэта на 9,024 мільярды менш, чым Беларусь зарабіла ў 2014-м годзе.

Найбольш па экспартных даходах краіны ўдарылі продажы нафты й нафтапрадуктаў, трактароў, грузавікоў ды сельгаспрадукцыі. Прырост забясьпечылі азотныя ўгнаеньні, мэталяпрадукцыя, лакі ды фарбы.

Паводле tut.by/юл