На Эльбрусе загінуў беларускі альпініст

Ратавальнікі знайшлі цела загінулага пры спуску з Эльбруса беларускага альпініста. Гэта мінчанінам 33-гадовы Дзьмітрый Рубін.

Ён зьнік чатыры дні таму. Група з трох альпіністаў прыбыла на Эльбрус з Крыма, каб пакарыць легендарную вяршыню. Усё здарылася, калі скалалазы ажыцьцяўлялі спуск і знаходзіліся на вышыні прыкладна пяці кілямэтраў каля скал Пастухова.

Адзін з удзельнікаў экспэдыцыі пайшоў наперад, а двое іншых адсталі. Яны былі аб'яўлены зьніклымі. На іх вышукі былі адпраўлены 11 супрацоўнікаў МНС і тры адзінкі тэхнікі.

Пазьней стала вядома, што, спускаючыся, двое астатніх альпіністаў некалькі разоў падалі. Кірыл Сьвітавы быў знойдзены 12 студзеня з моцнымі абмаражэньнямі і ўдарамі. Дзьмітрый Рубін, чыё цела знайшлі ў суботу, паводле папярэдніх зьвестак, разьбіўся насьмерць.

Як паведаміў інфармагенцтву ТАСС намесьнік начальніка Эльбрускага высакагорнага пошукава-ратавальнага атрада МНС Расеі Альберт Хаджыеў, загінулы знойдзены ў раёне скал Пастухова на вышыні 4.800 мэтраў над узроўнем мора.

БелаПАН/яс