У Беларусі новае старое кіраўніцтва парлямэнту

Аднак абедзьве палаты ўзначалілі папярэднія кіраўнікі.

Старшынёю Савета рэспублікі – верхняй палаты беларускага парлямэнта – быў абраны Міхаіл Мясьніковіч. 66-гадовы палітык узначальваў беларускі Сэнат са студзеня 2015 года. Гэта адзін з самых вопытных чыноўнікаў у Беларусі. 30 гадоў таму, ён стаў міністрам ЖКХ савецкай Беларусі. З таго часу, ён трымаецца важных дзяржаўных пасадаў: міністра і супастаўныя. Ён быў прэм'ер-міністрам Беларусі, кіраўніком беларускай Акадэміі навук, Адміністрацыі прэзыдэнта.

У сваю чаргу, 67-гадовы Уладзімір Андрэйчанка, якога зноў абралі кіраўніком Палаты прадстаўнікоў, займае гэтую пасаду цягам 8 гадоў. Андрэйчанка пачаў сваю кар'еру на пасадзе агранома, пазьней перабраўся ў крэсла дырэктара калгасу ды кіраўніка Віцебскай вобласьці.

Парлямэнцкія выбары ў Беларусі прайшлі на пачатку верасьня.

ПР/юл