«Моладзь БНФ» дамагаецца рэабілітацыі Ларысы Геніюш

Кіраўнік «Моладзі БНФ» Юрась Лукашэвіч накіраваў да старшыні Зэльвенскага райвыканкаму просьбу пра перайменаваньне адной з вуліц у гонар Ларысы Геніюш, наданьне паэтцы статусу ганаровай жыхаркі Зэльвы, а таксама прапанову правесьці вечарыны памяці паэткі ў навучальных установах горада.

Гэты зварот зладжаны ў рамках кампаніі за рэабілітацыю беларускай паэткі і грамадзкай дзяячкі Ларысы Геніюш, якую «Моладзь БНФ» пачала ўлетку.

У рамках кампаніі актывісты «Моладзі БНФ» зьбіраюць подпісы пад патрабаваньнем рэабілітацыі Ларысы Геніюш і ўключэньня яе твораў у школьную праграму. Ужо сабрана больш за 1200 подпісаў.

У бліжэйшы час актывісты «Моладзі БНФ» маюць намер сустрэцца з прадстаўнікамі Міністэрства культуры, каб перадаць свае прапановы па рэабілітацыі паэткі.

Паводле «Моладзі БНФ»/Радыё «Свабоды»/юл