У Менску абмеркавалі праблему алькагалізацыі насельніцтва

Дэпутатка Палаты Прадстаўнікоў Ганна Канапацкая зрабіла адпаведную заяву падчас круглага стала «Праблема алькагалізацыі насельніцтва. Абмеркаваньне прапановаў зьменаў заканадаўства».

Паводле афіцыйнай статыстыкі, у Беларусі спажываецца 9,05 літраў алькаголю на душу насельніцтва, уключаючы дзяцей і нават немаўлят. Сусьветная арганізацыя здароўя лічыць, што ўзровень у 8 літраў небясьпечны.

«Прыемна зьдзівіла прысутнасьць на сустрэчы прадстаўнікоў уладаў», – гаворыць Ганна Канапацкая.

Удзел у круглым стале ўзялі як прадстаўнікі апазыцыі, так і афіцыйных структур. Прамаўлялі прадстаўнікі Міністэрства аховы здароўя, працы, гандлю, а таксама прадстаўнікі праваслаўнай і каталіцкай цэркваў.

Абмеркаваньне праблемаў алькагольнай залежнасьці было ініцыявана прадстаўнікамі Беларускай хрысьціянскай дэмакратыі.

радыё рацыя/вс