Топ-мэнэджэры «Нафтана» бралі вялізарныя хабары

Віцебскі абласны суд прыгаварыў да 12 гадоў пазбаўлення волі былога намесніка гендырэктара «Нафтана» за атрыманьне хабару на суму 99 тысяч эўра.

На лаве падсудных апынуліся таксама 51-гадовы начальнік упраўленьня вытворча-тэхнічнай камплектацыі і 38-гадовы начальнік аддзела камплектацыі. Усе трое прызнаныя вінаватымі ў атрыманьні хабараў, перавышэньні і злоўжываньні службовымі паўнамоцтвамі, адзначана на сайце суду.

Карупцыйная схема зводзілася да таго, што яны атрымлівалі “адкаты” за абсталяваньне, якое закуплялі для «Нафтана». Кантракты заключалі не з тымі, хто прапанаваў выгадную цану, а з тымі, хто мог "падзякаваць" начальству.

Прадпрыемства пацярпела шкоду ў 3,4 млн эўра. Абвінавачаныя аддалі амаль 2,5 млн эўра.

naviny.by/БелаПАН/яс