Беларусь і ЗША дамовіліся пра супрацы ў сфэры кібербясьпекі

Пэрспэктывы далейшага разьвіцьця супрацоўніцтва ў галіне праваахоўнай дзейнасьці абмеркавалі 7 лютага міністар унутраных спраў Ігар Шуневіч і павераны ў справах ЗША ў Беларусі Робэрт Райлі.

Як паведамляе прэс-служба МУС Беларусі, кіраўнік міліцэйскага ведамства адзначыў, што краіна выступае за ўмацаваньне двухбаковага ўзаемадзеяньня з праваахоўнымі органамі ЗША па ўсіх пытаньнях, што ўяўляюць узаемную цікавасьць. У прыватнасьці, гаворка ідзе пра супрацьдзеяньне тэрарызму, экстрэмізму, легалізацыі даходаў, атрыманых злачынным шляхам, незаконнай міграцыі, карупцыі.

На думку ўдзельнікаў сустрэчы, асаблівай увагі ў сучасных умовах патрабуе інтэнсыфікацыя беларуска-амэрыканскага супрацоўніцтва па барацьбе са злачынствамі ў сфэры інфармацыйных тэхналёгій, а таксама забесьпячэньні абароны правоў інтэлектуальнай уласнасьці.

euroradio.fm/аз