Сёньня - Тройца ў праваслаўных, Спасланьне Сьвятога Духа ў каталікоў

Праваслаўныя сёньня сьвяткуюць Дзень Сьвятой Тройцы (Сёмуху) — адно з найвялікшых сьвятаў, паведамляе «Наша Ніва».

Дзень Сьвятой Тройцы ў праваслаўных адзначаецца ў пяцідзясяты дзень пасьля Вялікадня, у нядзелю, таму гэты дзень яшчэ называюць Пяцідзясятніцай або Сёмухай (сем тыдняў пасьля Вялікадня).

Спасланьне Сьвятога Духа на апосталаў апісана ў Дзеях сьвятых апосталаў. Апосталы знаходзіліся ў Сіёнскай сьвятліцы ў Ерусаліме, калі на іх сышоў Сьвяты Дух. Спасланьне Сьвятога Духа на апосталаў і Тройца ў каталікоў і пратэстантаў - гэта два розныя сьвяты. У Праваслаўнай царкве - адно.

У беларусаў на Сёмуху прынята ўпрыгожваць храмы й хаты бярозавымі галінамі, аерам, травой і кветкамі.

У Польшчы Спасланьне Сьвятога Духа – выхадны ад працы дзень.
вс