Амбасадар Польшчы тлумачыць сэнс закона аб забароне прапаганды камунізму

"Польшча заўсёды з належнай павагай і клопатам ставіцца да магіл усіх загінуўшых салдат, незалежна ад іх нацыянальнасьці", – піша пасол Польшчы ў Беларусі ў артыкуле для газэты «СБ Беларусь сегодня».

Конрад Паўлік тлумачыць беларускім чытачам сэнс польскага закона, які забараняе прапаганду камунізму або любы іншы таталітарны рэжым. Пасол кажа, што галоўнай мэтай гэтага закона зьяўляецца сымбалічны разрыў з таталітарным рэжымам, які прынёс шмат ахвяр і пакуты як польскаму так і суседнім народам. Закон не распаўсюджваецца на могілкі і іншыя месцы пахаваньня савецкіх салдат. "Такім чынам, задачай дакумэнта не зьяўляецца апаганьваньне памяці салдат Чырвонай Арміі, якія загінулі ў баях на польскай зямлі".

Польскі дыплямат адзначае, што сымболіка помнікаў, будынкаў падчас спэцыяльнай працэдуры будзе разгледжана Інстытутам нацыянальнай памяці, ці яна праслаўляе камунізм. Толькі тады можа быць прынятае рашэньне аб іх разбурэньні.

яс