Дваіх турыстаў з Беларусі шукаюць на Эльбрусе

Ратавальнікі шукаюць на Эльбрусе дваіх незарэгістраваных турыстаў, якія не выходзяць на сувязь, паведаміў агенцтву "Інтэрфакс" кіраўнік прэс-службы ГУ МНС Расеі па КБР Канцямір Бераў у чацьвер.

"Групу турыстаў з Беларусі з дваіх чалавек выйшлі шукаць на ўсходнім схіле Эльбруса па заяве іх сваякоў", - сказаў Бераў. Ён удакладніў, што група не была зарэгістраваная і перастала выходзіць на сувязь са сваякамі 17 студзеня. У пошуках задзейнічаны восем ратавальнікаў.

Начальнік Эльбрускага высакагорнага пошукава-выратавальнага атрада Абдулах Гуліеў растлумачыў агенцтву, што кірунак пошукаў вызначаны на падставе фотаздымкаў, дасланых прапаўшымі турыстамі сваякам.

"Ратавальнікі высунуліся ў цясьніну Ірык-Чат (адна з цясьнін, якія бяруць пачатак са схілаў Эльбруса), куды, мяркуючы па перададзеных імі здымках, пайшлі беларусы", - сказаў А. Гуліеў. На яго думку, зімой ісьці ў гэтую цясьніну вельмі небясьпечна, бо "там лавіны сходзяць праз кожныя 100 мэтраў".

Інтэрфакс/ав