У Менску адчынілася амбасада Ўзбэкістану

23 красавіка ў беларускай сталіцы адбылася сустрэча міністра замежных спраў Беларусі Уладзімір Макей з Надзвычайным і Паўнамоцным Амбасадарам Узбэкістана Насырджанам Юсупавым з нагоды ўручэньня ім копій даверных грамат.

Уладзімір Макей адзначыў, што ў Беларусі шчыра вітаюць рашэньне ўзбэцкага боку адкрыць амбасаду Ўзбэкістана ў Менску.

Беларускія дыпляматы разьлічваюць, што дадзены крок будзе садзейнічаць разьвіцьцю ўсяго комплексу беларуска-узбэцкіх адносін, у тым ліку ў такіх сфэрах, як прамысловасьць, інвэстыцыйнае супрацоўніцтва, сельская гаспадарка ды адукацыя.

Паводле МЗС Беларусі/юл