Вярхоўны суд не задаволіў скаргу БХД на адмову ў рэгістрацыі
Вярхоўны суд 25 мая не задаволіў скаргу аргкамітэту па стварэньні партыі «Беларуская хрысьціянская дэмакратыя» на адмову Міністэрства юстыцыі ў афіцыйнай рэгістрацыі арганізацыі. Сустаршыня аргкамітэту БХД Вольга Кавалькова ў камэнтары агенцтву БелаПАН, якое цытуе Радыё Рацыя, назвала такое рашэньне прадказальным, бо ўлады раней ужо сем разоў адмаўляліся зарэгістраваць партыю.
Падставамі для апошняй адмовы ў рэгістрацыі былі адсутнасьць у дакумэнтах хатніх або рабочых нумароў тэлефонаў некалькіх заснавальнікаў, «памылкі ў датах нараджэньня двух заснавальнікаў». У Мінюста таксама паўсталі пытаньні адносна памяшканьня, якое было пазначанае ў якасьці юрыдычнага адрасу.
Апошні ўстаноўчы зьезд БХД адбыўся 23 сьнежня 2017 года. На ім колькасьць сустаршыняў арганізацыі была павялічаная да чатырох. Раней аргкамітэт партыі ўзначальвалі тры сустаршыні.
У сакавіку 2011 года ў інтэрвію The Washington Post Аляксандр Лукашэнка заявіў, што БХД, «верагодна, ніколі ня будзе зарэгістраваная». «Яны ўдзельнічалі ў беспарадках. Яны не хрысьціянскія дэмакраты – яны бандыты», – сказаў ён.
Аргкамітэт БХД плянуе правесьці яшчэ адзін чарговы зьезд, каб дамагчыся афіцыйнай рэгістрацыі арганізацыі.
Вярхоўны суд 25 мая не задаволіў скаргу аргкамітэту па стварэньні партыі «Беларуская хрысьціянская дэмакратыя» на адмову Міністэрства юстыцыі ў афіцыйнай рэгістрацыі арганізацыі. Сустаршыня аргкамітэту БХД Вольга Кавалькова ў камэнтары агенцтву БелаПАН, якое цытуе Радыё Рацыя, назвала такое рашэньне прадказальным, бо ўлады раней ужо сем разоў адмаўляліся зарэгістраваць партыю.
Падставамі для апошняй адмовы ў рэгістрацыі былі адсутнасьць у дакумэнтах хатніх або рабочых нумароў тэлефонаў некалькіх заснавальнікаў, «памылкі ў датах нараджэньня двух заснавальнікаў». У Мінюста таксама паўсталі пытаньні адносна памяшканьня, якое было пазначанае ў якасьці юрыдычнага адрасу.
Апошні ўстаноўчы зьезд БХД адбыўся 23 сьнежня 2017 года. На ім колькасьць сустаршыняў арганізацыі была павялічаная да чатырох. Раней аргкамітэт партыі ўзначальвалі тры сустаршыні.
У сакавіку 2011 года ў інтэрвію The Washington Post Аляксандр Лукашэнка заявіў, што БХД, «верагодна, ніколі ня будзе зарэгістраваная». «Яны ўдзельнічалі ў беспарадках. Яны не хрысьціянскія дэмакраты – яны бандыты», – сказаў ён.
Аргкамітэт БХД плянуе правесьці яшчэ адзін чарговы зьезд, каб дамагчыся афіцыйнай рэгістрацыі арганізацыі.
вс