У Беларусі забароняць валютныя дагаворы ў долевым будаўніцтве

У Беларусі маюць намер забараніць заключэньне дамоваў долевага будаўніцтва ў замежнай валюце, каб усе разьлікі з забудоўшчыкам жыльля адбываліся толькі ў беларускіх рублях. У Міністэрстве архітэктуры й будаўніцтва распавялі, што дадзеная норма будзе замацаваная на заканадаўчым узроўні.

Забарона заключэньня зь фізычнымі й юрыдычнымі асобамі дагавораў долевага будаўніцтва ў замежнай валюце ўнясуць у дзеючы ўказ №263 аб долевым будаўніцтве, адзначыла начальнік аддзела рэгуляваньня жыльлёвай палітыкі Мінбудархітэктуры Тацьцяна Затурэнская. Ён будзе тычыцца й дзяржаўных, і прыватных забудоўшчыкаў.

«Да кастрычніка дакумэнт, магчыма, будзе прыняты», – выказала здагадку яна.
Адмова ад замежнай валюты ў разьліках забудоўшчыкаў зьяўляецца яшчэ адной мерай уладаў, скіраванай на дэдалярызацыю эканомікі.

тэлеграф/вс