У Беларусі адзначаюць Дзень без аўтамабіля

«Эўрапейскі тыдзень мабільнасьці» ладзіцца штогод з 16 па 22 верасьня ва ўсім сьвеце.

Сёлета акцыя праходзіць пад лёзунгам «Мультымадальнасьць – выбірай і рухайся!». У Беларусі да ўдзелу ў тыдні зарэгістравалася больш за 60 населеных пунктаў. У гэты дзень улады гарадоў заклікалі беларусаў адмовіцца ад карыстаньня аўтамабілем і тым самым прыцягнуць увагу грамадзкасьці да праблем, зьвязаных з уплывам аўтамабільнага транспарту на якасьць атмасфэрнага паветра і здароўе чалавека.

У Менску сёньня кіроўцы змогуць бясплатна езьдзіць у грамадзкім транспарце пры прад'яўленьні пасьведчаньня кіроўцы і пасьведчаньня аб рэгістрацыі транспартнага сродку.

А 14.00 гадзіне на вуліцы Леніна пачнецца маштабнае экалягічнае сьвята, з раніцы да ночы на ​​ўчастку вуліцы ад праспэкта. Незалежнасьці да вуліцы Кірава будзе закрыты рух транспарту.

Паводле Белта/юл