62% беларусаў лічаць сябе вернікамі

62% грамадзян Беларусі лічаць сябе вернікамі (няважна, якой рэлігіі). Гэта вынікі сацыялягічнага дасьледаваньня, якое праводзіў Інфармацыйна-аналітычны цэнтар пры Адміністрацыі прэзыдэнта ў 2017 годзе.

Для параўнаньня, у 2012 годзе пры адказе на такое самае пытаньне налічылася 71,5% вернікаў.

Агулам было апытана 1678 чалавек.

Пры гэтым 68% людзей адзначаюць важную ролю рэлігіі ў сваім жыцьці. Сярод пратэстантаў так адказалі 92,5% апытаных, сярод каталікоў – 82,5%, а сярод праваслаўных – 70%.

Большае значэньне рэлігія адыгрывае ў жыцьці жанчын, а таксама сельскіх жыхароў.

nn.by/яс